Hennar uppskera
Við höfum skoðað sögu kirkjunnar, búsetu hennar, og nú þurfum við að líta á uppskeru hennar.
Á bak við síbreytilega pólitíska og alþjóðlega strauma í heiminum í dag er eitt undirliggjandi mál, baráttan um heimsyfirráð. Þetta er grundvallarástæða allra pólitískra, efnahagslegra og félagslegra fléttna í heiminum í dag. Á bak við þessa miklu valdabaráttu stendur Lúsifer, erkióvinur mannsins og kirkjunnar.
Það geisar orusta yfir þessari jörð sem mun ekki stöðvast fyrr en Opinberunarbókin 20:1-3 gengur í uppfyllingu.
Opinberunarbókin 20:1-3
Nú sá ég engil stíga niður af himni. Hann hélt á lykli undirdjúpsins og stórum fjötri í hendi sér. -2- Og hann tók drekann, þann gamla höggorm, sem er djöfull og Satan, og batt hann um þúsund ár. -3- Hann kastaði honum í undirdjúpið og læsti og setti innsigli yfir, svo að hann leiddi ekki framar þjóðirnar afvega, allt til þess er fullnuðust þúsund árin. Eftir það á hann að vera leystur um stuttan tíma.
Adam fékk jörðina að gjöf sem heilagt traust. Hlutverk hans var að færa himininn til jarðar; þetta var upphafið á útbreiðslu Guðs ríkis um alheiminn. Fall Adams, og þar með alls mannkyns, breytti ekki tilgangi Guðs.
Adam afhenti vald sitt yfir þessari jörð til Lúsifers
Lúkasarguðspjall 4:5-6
Þá fór hann með hann upp og sýndi honum á augabragði öll ríki veraldar. -6- Og djöfullinn sagði við hann: Þér mun ég gefa allt þetta veldi og dýrð þess, því að mér er það í hendur fengið, og ég get gefið það hverjum sem ég vil.
Adam framseldi vald sitt yfir plánetunni til Satans, en Jesús dó á krossinum fyrir allt mannkyn og hóf nýja kynslóð, nýja sköpun á jörðinni. Hans sæði myndi mylja höfuð Satans og taka þessa plánetu aftur.
Fyrsta Mósebók 3:15
Og fjandskap vil ég setja milli þín og konunnar, milli þíns sæðis og hennar sæðis. Það skal merja höfuð þitt, og þú skalt merja hæl þess.
Daníelsbók 7:18
En hinir heilögu Hins hæsta munu eignast ríkið, og þeir munu halda ríkinu ævinlega og um aldir alda.
Jesús gaf tilskipunina
Markúsarguðspjall 16:15
Hann sagði við þá: Farið út um allan heim, og prédikið fagnaðarerindið öllu mannkyni.
Frumkirkjan sá uppskeru á hvítasunnudegi, endatímakirkjan mun sjá mikla loka-uppskeru.
Önnur Mósebók 23:16
Þú skalt halda hátíð frumskerunnar, frumgróðans af vinnu þinni, af því sem þú sáðir í akurinn. Þú skalt halda uppskeruhátíðina við árslokin, er þú alhirðir afla þinn af akrinum.
Ísraelsmenn héldu þrjár aðalhátíðir: Páskahátíð, Hvítasunnuhátíð og Laufskálahátíð.
Frumgróðahátíðin, var Hvítasunnuhátíðin.
Uppskeruhátíðin, Laufskálahátíðin, var í lok ársins.
Matteusarguðspjall 13:47-49
Enn er himnaríki líkt neti, sem lagt er í sjó og safnar alls kyns fiski. -48- Þegar það er fullt, draga menn það á land, setjast við og safna þeim góðu í ker, en kasta þeim óætu burt. -49- Svo mun verða, þegar veröld endar: Englarnir munu fara til, skilja vonda menn frá réttlátum,
Hin loka-uppskera sem er í vændum verður svo mikil að hún mun umbreyta núverandi skipulagi kirkjunnar. Guð hefur geymt fyrir kirkjuna í þessari kynslóð hina stærstu og mestu andlegu uppskeru sem heimurinn hefur nokkurn tíma séð.
Gott og illt hefur þrifist í hverri kynslóð í þúsundir ára sem stöðugt ferli sáningar. En þetta mun allt enda í þessari kynslóð.
Eitt af lögmálum uppskerunnar er sáning og uppskera
Jobsbók 4:8
Að því, er ég hefi séð: Þeir sem plægðu rangindi og sáðu óhamingju, þeir einir hafa uppskorið það.
Galatabréfið 6:7
Villist ekki! Guð lætur ekki að sér hæða. Það sem maður sáir, það mun hann og uppskera.
Amos 9:13
Sjá, þeir dagar munu koma, segir Drottinn að erjandinn skal ná kornskurðarmanninum og víntroðslumaðurinn sáðmanninum. Þá munu fjöllin löðra í vínberjalegi og hálsarnir verða í einu flóði.
Á milli nútímans og loka tímans munu fleiri koma inn í Guðs ríki en allir þeir sem hafa gert það frá hvítasunnu fram til dagsins í dag. Hvert þorp, ættflokkur og tunga munu heyra fagnaðarerindið og sjá það staðfest með miklum krafti. Það mun ekkert í sögunni vera hægt að bera saman við þetta.
Stórborgir munu upplifa tíma án afbrota þar sem heilu mannfjöldarnir finna fyrir djúpri sannfæringu um synd þegar þeir heyra boðskapinn.
Klám, vændi, ólögleg fíkniefni og fóstureyðingar munu algjörlega hverfa á mörgum svæðum.
Stórfyrirtæki munu loka í marga daga í senn til að leyfa starfsmönnum að sækja sérstaka samkomuherferðir.
Heilar þjóðir munu helga sig bæn og föstu í ákveðna tíma.
Drottinn mun birtast sýnilega og stöðugt.
Kaffihlé og hádegisverðarhlé munu breytast í bænatíma og námstíma.
Borgir munu skipuleggja bál þar sem klámbókmenntir og galdraefni verða brennd.
Hundruð seiðkarla og galdramanna munu snúa sér til Drottins.
Fangelsi munu breytast í kirkjur og framleiða marga öfluga karla og konur Guðs.
Kraftaverk munu fara fram úr þeim mestu sem lýst er í Biblíunni og valda því að heilar þjóðir viðurkenna Jesú.
Leiðtogar sumra voldugustu ríkja heims munu snúa sér til Drottins og hvetja þjóðir sínar til að fylgja honum.
Myrkur mun ríkja á mörgum svæðum, heilar borgir verða undir stjórn illsku, á meðan aðrar verða undir stjórn Jesú.
Á sumum stöðum mun kirkjan verða algjörlega þurrkuð út og fjöldi píslarvotta mun verða til. En þeir verða eins og fræ fyrir sívaxandi uppskeru.
Svo algeng verður sýn engla að hún hættir að vera undrunarefni.
UNGT FÓLK OG BÖRN
Jesaja 8:18
Sjá, ég og synirnir, sem Drottinn hefir gefið mér, vér erum til tákns og jarteikna í Ísrael frá Drottni allsherjar, sem býr á Síonfjalli.
Unglingar og jafnvel börn munu verða í fararbroddi og verða meðal hinna mestu fagnaðarboðara. Þau munu lækna sjúka og reka út illa anda. Sum munu taka stjórn á sjúkrahúsum og lækna alla, jafnvel á geðdeildum.
Eins og Satan reyndi að tortíma öllum börnum á tímum Móse með því að drepa þau, hefur hann einnig í þessari kynslóð reynt að ná börnum með fóstureyðingum, fíkniefnum, klámi, kynferðisofbeldi og því að draga milljónir barna niður í kvalir helvítis, syndar, áfalla og örvæntingar.
En ég vil segja ykkur sannleikann: Eins djúpar rætur og Satan hefur í þeim, munu þau fá endurlausn og fyllast af Guði.
Jezebel þú munt missa börnin þín
Jesaja 47:8-9
En heyr nú þetta, þú hin sællífa, er situr andvaralaus og segir í hjarta þínu: Ég og engin önnur. Í ekkjudómi skal ég aldrei sitja og eigi reyna, hvað það er að vera barnalaus. -9- En hvort tveggja þetta skal þér að hendi bera skyndilega, á einum degi. Þú skalt bæði verða barnalaus og ekkja. Í fullum mæli mun það yfir þig koma, þrátt fyrir þína margvíslegu töfra og þínar miklu særingar.
Dauði og hel þú munt missa börnin þín
Matteusarguðspjall 13:39
Óvinurinn, sem sáði því, er djöfullinn. Kornskurðurinn er endir veraldar og kornskurðarmennirnir englar.
Daníelsbók 7:18
En hinir heilögu Hins hæsta munu eignast ríkið, og þeir munu halda ríkinu ævinlega og um aldir alda.
Guð blessi þig!